一叶知秋

虽然我哋都知广州嘅秋天

係几咁虚无缥缈嘅一样嘢

zui实在嘅都係睇多D

有温度有内涵

嘅“搵嘢食”好过啦

今期，小编我就要带大家去探望（食）

鸡嘅好朋友

“一鸽胜九鸡”嘅鸽鸽鸽啦

係商业大道上

静静鸡咁开咗间“鸽”店

正正係花都湖隔离

因为小编係某一夜花都湖慢跑时

TU然闻到阵肉香味

唔通夕阳仲可以烤熟公园入边嘅雀仔？？？

（对唔住，小编真係好饿）

然之后，就搵到呢间万！富！鸽！皇！啦

招牌必点嘅红烧乳鸽

无论你係开点样嘅鸽店，红烧乳鸽係必不可少嘅！而花都人民对于鸽嘅热爱又真係几时都唔会熄灭哦。

作为一只优秀嘅红烧乳鸽，要皮薄又脆、肉质嫩滑。食距！吃它！

原谅我嘅粗鲁，但係食鸽，真係自己郁手舒服好多。一撕一扯一拉，抑郁都无晒。

刚出炉嘅红烧乳鸽色泽鲜艳，最好即刻就食。外脆内软，口感不腻。

等我手动俾距10万+个大拇指先！

招牌必点嘅电饭煲乳鸽

我认真同你讲，一打开电饭煲个盖，我就知道边个係我最近嘅挚爱！

爆香咗嘅葱香味，掂！相当掂！

如果，呢餐饭只可以选一个食法，我选呢个！鸽肉香嫩，食落去果种感觉就好似买到全世界断货嘅绝版口红咁，肾上腺素爆表！

沙姜乳鸽、香辣乳鸽……

重口味点少得距啊，秘制沙姜做法，好入味，好好味。中意沙姜嘅朋友，唔好错过。

作为无辣不欢嘅伪广东人，小编仲专登问老板娘：“老板娘，有无香辣可口嘅鸽鸽啊，最好好似双色鱼头咁惹味哦”。

于是，老板娘整咗呢碟“香辣乳鸽”。

温暖牌药膳乳鸽火锅

鸽肉焗饭

中意进补嘅朋友就最中意呢样嘢啦。先睇下煲汤底有几多诚意度先。

唔好问我汤底D料有D乜，因为小编无文化，唔知道！只人得虫草花、红枣、太子参、党参、北芪……都讲咗秘制药膳咯，点会俾你知得咁具体啊。不过料就真係足足了。

摆埋只新鲜鸽BB落去，等呢煲鸽汤（约20分钟）。

等待嘅时间，事不宜迟，快D打开煲仔饭了喂。

咦~你哋广东人好可怕啊，煲“仔”哦。

咁你唔好食啊！

广东秋天嘅标配，煲！仔！饭！不得不佩服广东人，真係乜都可以煲，腊味、牛肉、羊肉、排骨（太贵食唔起）、滑鸡……来到鸽店就梗係鸽煲饭啦。

定D嚟，等我打开煲盖，搅下距先。

将肉汁、肉、葱捞匀，再睇下有无饭焦，哇~掂过乜蔗啊。俾个特写你哋睇下先。

无惊无险，呢个时间，鸽汤OK，可以落肚啦！~等我又嚟搅下距先！

凼凼转，饮汤汤。

加只吡，掂！~

顺便话俾大家知，如果你唔想点药膳乳鸽火锅，又想饮啖鸽汤，可以叫一盅架。广东人中意饮汤出晒名架啦。

讲咗咁耐，写翻个地址先。

店名：万富鸽皇

　　开业期间扫一扫